Euskara saltsan egitasmoa jarri dugu martxan. Euskaraz ez dakitenen pertsonentzako bideratutako eskaintza da.
Helduek euskaraz ikasten duten bitartean, beraien haurrek euskarazko aisialdiaz gozatzeko aukera izango dute.

Horrela, batzuk euskara ikasten duten bitartean, haurrek euskara beraien bizitzetan presentzia handiagoa izateko aukera izango dute. 

Bi eskaintza, momentu berdinean, dena euskarari eskainia.
Argi dugu astean ordu terdia eskainita ez garela euskaldunduko, baina euskara tokia izaten hasiko da gure bizitzetan. Euskaltegietara salto egitean, maila batekin joateko. 

IZEN EMATEA eta BERTAN BEHERA UZTEA

Jardueretan parte hartzeko ezinbestekoa da aldez aurretik izena ematea eta matrikula ordaintzea. Digitalki zailtasunak izanez gero, Faktoriara bertaratu eta harrera puntuan dagoenak lagunduko zaitu.

Ikastaroa hasi eta gero utzi nahi duenak Faktoriako Atelierren koordinatzaileari jakinarazi beharko dio hilabete bateko epearekin. Hala, izen-ematea eta ordainketa hurrengo hilabetean utziko da bertan behera. 


TALDEA OSATZEKO PARTAIDE KOPURUA

Taldea osatzeko 8-10 lagun behar dira, bestela ez da saiorik emango.

PARTAIDEAK ETA MUGA

Parte hartzeko 18 urtetik gora izan behar da. Haurra aldiz 2 urtetatik aurrera izna behar du.
Izen ematea toki kopurua baino gehiago bada, izen ematearen hurrenkera hartuko da aintzat (plaza konfirmatzean bideratuko da ordainketa, eta orduan bukatuko da izen-emate prozesua).

IKASTURTE OSOA

Saioa urritik ekainera izango da, eta eskola egutegiaren arabera antolatuko dugu. Izena ematen duenak ikasturte guztian parte hartzeko konpromisoa hartzen du.


PREZIOA

· Prezioa ikasturte guztikoa da, ez da saioka kobratuko.

· Ordainketa hilabeteka zatikatzeko aukera egongo da.

· Hilabetero berdina ordainduko da, hilabete horretako saio kopuruak kontuan hartu gabe.

· Egoera zaurgarrien aurrean jarri gurekin harremanetan.

☎️ HARREMANETARAKO

Telefono zenbakia (Aritz): 693 85 53 12

Edo faktoria@aiaraldea.eus korreora mezua bidali.